Entrevista: Ximnasio Ozono

 Falamos cun monitor do Ximnasio Ozono para que nos resolvese as seguintes cuestións:

• Cres que o deporte pode axudar a mellorar o rendemento en clase?

Estou totalmente convencido diso. Grazas ao deporte teño mais forza mental e disciplina que logo aplico tamén a todos os ámbitos da miña vida diaria.

• Que lles recomendas a aos chavales para manterse en forma agora que están a estudar?

Organizándose hai tempo para o estudo, para o deporte... O ideal é marcarse unhas pautas e horarios diarios, iso é o que facía eu e sempre tiven tempo para todo. En canto ao deporte, sobre todo recoméndolles constancia, centrarse nunha actividade que lles guste e intentar realizala regularmente.

• Que actividades ofrece o ximnasio?

Todos os usuarios do ximnasio teñen a miña total atención e asesoramento para calquera dúbida ou axuda que poidan necesitar á hora de realizar os seus exercicios. Por outra parte, temos varias actividades dirixidas: pilates,GAP, Tae Kwon Do, Body Building, Spinning, Kick Boxing,…

• Gústache traballar con mozos? Por que?

Por suposto que me gusta, porque me me recordan nos meus inicios. Teñen as mesmas dúbidas e intereses polo deporte que tiña eu cando empecei, por iso gústame traballar con ell@s asesorándoos axeitadamente e axudándolles a mellorar. 

• Cal é a túa opinión actual sobre a obesidade?

Por desgracia, cada vez a xente estase a volver moito máis sedentaria.
En vez de ir a andar durante media hora, prefiren sentarse ou tombarse
cun ordenador, cun móbil ou con calquera outra cousa.

A tecnoloxía e a comida basura é un dos principais motivos de que isto
estea ocurrindo. A xente debido á obesidade, poden contraer
enfermidades cardiovasculares moi graves.

  O resto das preguntas están recollidas na seguinte presentación: 

Entrevista ao ximnasio ozono from Samus Serpenter